Ek Manzil Hai Ek Jada Hai

ek manzil hai ek jaada hai

zindagī merī kitnī saada hai

tū mujhe apnā ek pal degā

ye karam mujh pe kuchh ziyāda hai

jo ruke haiñ savār haiñ saare

chalne vaalā to pā-pyāda hai

sidq-e-dil se pukārnā mujh ko

lauT ā.ūñgā merā va.ada hai

phir jo karne lagā hai tū va.ada

kyā mukarne kā phir irāda hai

zarf-e-duniyā jo tañg hai ‘taimūr’

terā dil bhī kahāñ kushāda hai

Leave a Comment