Taimur Hasan
ek manzil hai ek jaada hai
zindagi meri kitni saada hai
tu mujhe apna ek pal dega
ye karam mujh pe kuchh ziyada hai
jo ruke hain savar hain saare
chalne vaala to pa-pyada hai
sidq-e-dil se pukarna mujh ko
lauT a.unga mera va.ada hai
phir jo karne laga hai tu va.ada
kya mukarne ka phir irada hai
zarf-e-duniya jo tang hai ‘taimur’
tera dil bhi kahan kushada hai
Leave a Reply