Poet
ik hujum-e-girya ki har nazar tamashai
der se kharabon men hai asiir tanhai
dil ki shaam ki surat zakhm zakhm sannata
jaan ki shor-e-vahshat men subh ki tamannai
kakul-e-khizan tere be-sabab ulajhne se
chehra-e-baharan par dekh tirgi chhai
thi tiri nigahon ke sail-e-tirgi men gum
kab tire ujale men khud ko main nazar aai
qurb tha ki aina jaan talak bulata tha
hijr ne bhula di hai surat-e-shanasai
bab-e-rang ghunchon ke pairahan pe va kar ke
khil rahi hai shakhon par dard ki pazirai
khush huun ik sitare par dekh kar makan apna
raat meri binai kaun si nazar laai
Leave a Reply