Ejazulhaq Shahab
ek ik pal men suno sainkaḌon gham kaTte hain
zindagi kaTti kahan hai use ham kaTte hain
mil ke rahte hain vatan men sabhi ham-sa.e magar
is mohabbat ko siyasat ke udham kaTte hain
gulshan-e-dahr ke har gul se mahakta gulshan
mil ke ham aa.iye nafrat ke alam kaTte hain
alam-e-hijr men hain vasl ki yadon ke charagh
inhin yadon se tire hijr ka gham kaTte hain
ham ne jo ki thi vafa vo hi vafa jurm hui
dekhiye is ki saza kitne janam kaTte hain
paak rakkha hai taḳhayyul ko ibadat ki tarah
itni jiddat se tabhi sher ka zam kaTte hain
umr guzri hai ‘shahab’ apni jafaon ke ta.iin
dil ko rah rah ke jafaon ke sitam kaTte hain
Leave a Reply