Shahid Latif
ek ik mauj ko sone ki qaba deti hai
shaam suraj ko samundar men chhupa deti hai
ek chehra mujhe rozana sukun deta hai
ek tasvir mujhe roz rula deti hai
aib shohrat men nahin is ka nasha qatil hai
ye hava kitne charaghon ko bujha deti hai
log aate hain Thaharte hain guzar jaate hain
ye zamin ḳhud hi guzargah bana deti hai
kisi chehre men nazar aata hai koi chehra
koi surat kisi surat ka pata deti hai
niil men rasta banna to hai dushvar magar
meri ghairat mire hathon men asa deti hai
Leave a Reply