Ek Dhoka Hai Dilkashi Kya Hai

ek dhoka hai dilkashī kyā hai

ham samajhte haiñ dostī kyā hai

āñsuoñ kī ho aur umr darāz

chāñd-tāroñ kī raushnī kyā hai

husn kī ik nigāh jāñ-parvar

ishq kī aur zindagī kyā hai

ham ne dekhā hai bhīgī palkoñ ko

aap kyā jāneñ tishnagī kyā hai

rūThnā ik adā to hai lekin

ye hamesha kī barhamī kyā hai

dil ko nisbat hai un ke dil se ‘ra.īs’

jazb-e-ulfat meñ ab kamī kyā hai

Leave a Comment