Mohammad Izhar Ul Haq
ek charagh yahan mera hai ek diya vahan tera
biich men aqlimen paḌti hain paani aur andhera
koi na jaane kaun sa lafz hai jis se ji uTThunga
jis taa.ir men jaan hai meri us ka duur basera
sahil par to haath ko haath sujha.i nahin deta hai
shayad kisi jahaz men bhar kar laa.e koi savera
bhara hua hai janvaron aur sanpon se ye jangal
hijr dikha.i deta tha bahar se sabz ghanera
dhuup aur barish bhejne vaale meri bhi sun lena
tere baagh ke goshe men ik kachcha phuul hai mera
Leave a Reply