ik bosa dijiye mira iman lijiye
go but hain aap bahr-e-khuda maan lijiye
dil le ke kahte hain tiri khatir se le liya
ulta mujhi pe rakhte hain ehsan lijiye
ghairon ko apne haath se hans kar khila diya
mujh se kabida ho ke kaha paan lijiye
marna qubul hai magar ulfat nahin qubul
dil to na dunga aap ko main jaan lijiye
hazir hua karunga main akasr huzur men
aaj achchhi tarah se mujhe pahchan lijiye
Leave a Reply