ik ajab ham ne majra dekha
dard bardasht se siva dekha
dil-e-be-chain ko kahan le jaa.en
ik jahan se use laga dekha
vaa.e aḳhtar ḳhuda ko bhuul ga.e
jab kahin koi aasra dekha
zahar-e-mahrumi-e-masa chakkha
qahr-e-masmumi-e-saba dekha
koi ummid hai to ghairon se
barha ḳhud ko aazma dekha
phuul gulshan men mor jangal men
sim-e-sub.h-o-zar-e-masa dekha
nigah-e-shoḳh-e-surma-sa dekhi
dast-e-sad turra-e-hina dekha
ne sahi gar vafa nahin dekhi
ham ne yaan husn-e-be-panah dekha
jis ne chaha use ḳhuda chaha
jis ne dekha use ḳhuda dekha
Leave a Reply