dushman ba-nam-e-dost banana mujhe bhi hai
us jaisa ruup us ko dikhana mujhe bhi hai
mere khilaf sazishen karta hai rose vo
akhir koi qadam to uthana mujhe bhi hai
ungli utha raha hai tu kirdar par mire
tujh ko tire maqam pe laana mujhe bhi hai
nazren badal raha hai agar vo to gham nahin
kanta ab apni rah se hatana mujhe bhi hai
main barf-zadi kab se ajab zid pe huun adi
suraj ko apne paas bulana mujhe bhi hai
Leave a Reply