sahir-ludhianvi

Dur Rah Kar Na Karo Baat Qarib Aa Jao

duur rah kar na karo baat qarib aa jaao

yaad rah jaegi ye raat qarib aa jaao

ek muddat se tamanna thi tumhen chhune ki

aaj bas men nahin jazbat qarib aa jaao

sard jhonkon se bhadakte hain badan men shoale

jaan le legi ye barsat qarib aa jaao

is qadar ham se jhijakne ki zarurat kya hai

zindagi bhar ka hai ab saath qarib aa jaao

More Poems

Leave a Comment