Duub ke dekh liya dard ki gahra.i men
aaj ki raat guzar ja.egi tanha.i men
sham-e-dil laaya huun ye soch ke mahfil men tiri
ho kami kuchh na tiri anjuman-ara.i men
be-sabab hoga mire saath men rusva vo bhi
naam us ka bhi hai shamil meri rusva.i men
ba.ad muddat ke use dekha to ehsas hua
har dabi choT ubhar aati hai purva.i men
yuun to har ek ada hai tiri zalim lekin
hai qayamat hi qayamat tiri angḌa.i men
chak-daman ki numa.ish men ye gham hain mujh ko
vo bhi maujud tha us vaqt-e-tamasha.i men
kah do mutrib se ‘nazar’ saz-e-mohabbat na baja
us ki pazeb ki jhankar hai shahna.i men
Leave a Reply