Dua Hai Aur Na Koi Bad-Dua Hai

duā hai aur na koī bad-duā hai

ye duniyā to mahz ik hādisa hai

tumhāre sāmne jo aa.ina hai

yaqīñ jaano vahī to āshnā hai

jo kahnā thā vo ham ne kah diyā hai

batā.eñ aap kā kyā faisla hai

ajab duniyā hai insānoñ kī duniyā

jahāñ insāniyat hī gum-shuda hai

tasavvur bārhā pahuñchā vahīñ par

zamīr aksar jahāñ par roktā hai

yahī sachchā.ī hai har ek sach kī

yahī lagtā hai bas ik zāviya hai

ye duniyā jān-e-jāñ terī na merī

makīñ sab haiñ magar mālik ḳhudā hai

Leave a Comment