dua hai aur na koi bad-dua hai
ye duniya to mahz ik hadisa hai
tumhare samne jo aa.ina hai
yaqin jaano vahi to ashna hai
jo kahna tha vo ham ne kah diya hai
bata.en aap ka kya faisla hai
ajab duniya hai insanon ki duniya
jahan insaniyat hi gum-shuda hai
tasavvur barha pahuncha vahin par
zamir aksar jahan par rokta hai
yahi sachcha.i hai har ek sach ki
yahi lagta hai bas ik zaviya hai
ye duniya jan-e-jan teri na meri
makin sab hain magar malik ḳhuda hai
Leave a Reply