dilbar-e-be-bak suun khuub nahin bolna
shokh sitam-nak suun khuub nahin bolna
dast men khanjar pakad nikla hai vo ghussa-var
haath ke chalak suun khuub nahin bolna
abtar-e-khun-rez hai qatl upar tez hai
zalim-o-saffak suun khuub nahin bolna
us ki jafa siin tamam jag men padi dhum-dham
ham jam-o-zahhak suun khuub nahin bolna
mujh se raqib-o-lain jiiv men rakhta hai kiin
us sag-e-napak suun khuub nahin bolna
bul-havas-e-zisht-ru karta hai nit guftugu
mard be-idrak suun khuub nahin bolna
misra-e-matla sada vird kare ‘mubtala’
dilbar-e-be-bak suun khuub nahin bolna
Leave a Reply