poet

Dil Mein Mere Phir Khayal Aata Hai Aaj

dil men mere phir khayal aata hai aaj

koi dilbar be-misal aata hai aaj

kyuun pada behosh uth hatif se ab

hai nida sahab-e-jamal aata hai aaj

sang-e-rah huun ek thokar ke liye

tis pe vo daman sambhal aata hai aaj

mushtari o zohra baham saad hain

is liye abru hilal aata hai aaj

tum siva ‘chanda’ ke dil men ya ali

kis ki azmat ka jalal aata hai aaj

More Poems

Leave a Comment