Poet
dil men kisi ko rakkho dil men raho kisi ke
sikho abhi saliqe kuchh roz dilbari ke
furqat men ashk-e-hasrat ham kya baha rahen hain
taqdir ro rahi hai parde men bekasi ke
aae agar qayamat to dhajjiyan uda den
phirte hain justuju men fitne tiri gali ke
de kar mujhe tasalli bechain kar rahe ho
hanste ho vaada kar ke qurban is hansi ke
ye hazrat-e-rasa bhi divane ho gae hain
chakkar laga rahe hain ik shokh ki gali ke
Leave a Reply