Dil Mein Hai Kya Azab Kahe To Pata Chale

dil men hai kya azaab kahe to pata chale

divar khamoshi ki Dhahe to pata chale

sab kuchh hi bantne ko chali aati kyuun nadi

us ki tarah se koi bahe to pata chale

bete tu janta nahin hai maan ki ahmiyat

maan ki tarah tu dard sahe to pata chale

kaise batae koi jiyo kaise zindagi

tu panchhiyon ke saath rahe to pata chale

piine ko paani bhi na ho roti ki baat kya

neta-ji bhuuk tu yuun sahe to pata chale

Leave a Comment