dil kushta-e-nazar hai mahrum-e-guftugu huun
samjho mire ishare main surma-dar-gulu huun
muddat se kho gaya huun sargarm-e-justuju huun
apna hi mudda.a huun apni hi aarzu huun
surat-e-saval huun main puchho na mera matlab
main apne mudda.a ki tasvir hu-ba-hu huun
hai dil men josh-e-hasrat rukte nahin hain aansu
risti hui surahi TuuTa hua subu huun
zaḳhmon se dil ka aalam kya puchhte ho kya hai
gulzar-e-be-ḳhizan huun duniya-e-rang-o-bu huun
jalve hijab-afgan ankhen halak-hasrat
to mahv-e-parda-dari men vaqf-e-justuju huun
pamal yuun hua huun pinhan hai mujh men aalam
ek musht-e-ḳhak ho kar sahra-e-arzu huun
ruḳh se kafan haTa do kya puchhte hain puchhen
parde men ḳhamushi ke sargarm-e-guftugu huun
kis se ‘aziz’ rakkhun ummid dosti ki
sarkash hai nafs jab tak apna hi main adu huun
Leave a Reply