Dil Ko Samjhao Zara Ishq Mein Kya Rakkha Hai

dil ko samjhao zara ishq men kya rakkha hai

kis liye aap ko divana bana rakkha hai

ye to maalum hai bimar men kya rakkha hai

tere milne ki tamanna ne jila rakkha hai

kaun sa bada-kash aisa hai ki jis ki khatir

jaam pahle hi se saaqi ne utha rakkha hai

apne hi haal men rahne de mujhe ai hamdam

teri baton ne mira dhyan bata rakkha hai

atish-e-ishq se allah bachae sab ko

isi shoale ne zamane ko jala rakkha hai

main ne zulfon ko chhua ho to Dasen naag mujhe

be-khata aap ne ilzam laga rakkha hai

kaise bhule hue hain gabr o musalman donon

dair men but hai na kaabe men khuda rakkha hai

Leave a Comment