Shakeel Gwaliari
dil jise chahe vahi chehra jabin lagta hai
apne siine ka har ek daagh hasin lagta hai
main kahin bhi huun magar huun usi mahfil ka charagh
vo jahan bhi ho mire dil ka makin lagta hai
dusri baar na main pahuncha vahan aur na vo
phir bhi mela hai ki har saal vahin lagta hai
sarhad-e-gham ke ilaqon men idhar ho ki udhar
mujh ko har dasht ghazal hi ki zamin lagta hai
Leave a Reply