dil-e-vahshi ka afsana kahega tum bhi sun lena
junun ke raaz divana kahega tum bhi sun lena
vo dil jis se miTa.e de rahe ho yaad tum apni
zamana us ko virana kahega tum bhi sun lena
zaban-e-ḳhalq ka shayad na tum ko e’tibar aa.e
ḳhud apna haal divana kahega tum bhi sun lena
dil-e-nazzara jo har baat us husn-e-mujassam se
ba-andaz-e-kalimana kahega tum bhi sun lena
‘munavar’ bahki bahki guftugu yunhi kiye jaao
tumhen har shaḳhs divana kahega tum bhi sun lena
Leave a Reply