Dhup Mein Jalte Hain Tab Saya Banta Hai

dhuup meñ jalte haiñ tab saaya bantā hai

baḌe jatan se koī apnā bantā hai

saare bikhre ḳhvāb ikaTThā karne par

ek mukammal terā chehra bantā hai

ghar ke donoñ jānib dar lagvā.e haiñ

ab to terā dastak denā bantā hai

pyaar karo to ek ḳharābī ye bhī hai

had darje kā yaar tamāshā bantā hai

us kā pahlū sirf mayassar hai mujh ko

ya.anī merā itnā banñā bantā hai

Leave a Comment