dekhta tha main palaT kar har aan
kis sada ka tha na jaane imkan
us ki ik baat ko tanha mat kar
vo ki hai rabt-e-nava men gunjan
TuuTi bikhri koi shai thi aisi
jis ne qaa.em ki hamari pahchan
log manzil pe the ham se pahle
tha koi rasta shayad asan
sab se kamzor akele ham the
ham pe the shahr ke saare bohtan
os se pyaas kahan bujhti hai
musla-dhar baras meri jaan
kya ajab shahr-e-ghazal hai ‘bani’
lafz shaitan suḳhan be-iman
Leave a Reply