suraj men jo chehre dekhe ab hain sapne saman
aur shuaon men uljhi si
giile giile honton ki vo nai laal muskan
jaise kabhi na zinda the ye
chhoti chhoti inton vaale thande barf makan
kahan gai vo shaam Dhale ki
sarsar karti tez hava ki dil par khichi kaman
aur sapna jo niind men laaya
puuri adhuri khvahishon ka
ik dard bhara tufan
kaise koi kar sakta hai in sab men pahchan