Rashid Anwar Rashid
dast-e-imkan men koi phuul khilaya jaa.e
ḳhema-e-ḳhvab men ta.abir ko laaya jaa.e
aao chalte hain kisi aur hi duniya men jahan
ḳhud ko gham kar ke kisi aur ko paaya jaa.e
dil men vahshat jo nahin dasht-navardi kaisi
be-ḳhudi chhoḌ ke ab hosh men aaya jaa.e
jis ka har gosha sisakta hai sada deta hai
is ilaqe men kabhi lauT ke jaaya jaa.e
ek muddat se tamanna bhi thi masruf-e-riyaz
naghma-e-qalb ko ab saaz pe gaaya jaa.e
Leave a Reply