Javed Akhtar
dast-bardar agar aap ghazab se ho jaa.en
har sitam bhuul ke ham aap ke ab se ho jaa.en
chaudhvin shab hai to khiḌki ke gira do parde
kaun jaane ki vo naraz hi shab se ho jaa.en
ek ḳhushbu ki tarah phailte hain mahfil men
aise alfaz ada jo tire lab se ho jaa.en
na koi ishq hai baaqi na koi parcham hai
log divane bhala kis ke sabab se ho jaa.en
bandh lo haath ki phailen na kisi ke aage
si lo ye lab ki kahin vo na talab se ho jaa.en
baat to chheḌ mire dil koi qissa to suna
kya ajab un ke bhi jazbat ajab se ho jaa.en
Leave a Reply