Muneer Saifi
dasht-e-gham aur har shajar tanha
raat soi hai be-ḳhabar tanha
le ke phirta huun dar-ba-dar tanha
teri yadon ka ik nagar tanha
so na ja.un ḳhirad ke bistar par
ai junun tujh ko chhoḌ kar tanha
dil ke daman men chubh ga.i aḳhir
chalti-phirti hui nazar tanha
yaad phir chiḳhne lagi us ki
mujh ko kamre men jaan kar tanha
chand ka dard maang le koi
mujh ko rahna hai umr-bhar tanha
Leave a Reply