Naseer Ahmad Nasir
dard ke piile gulabon ki thakan baaqi rahi
jagti ankhon men ḳhvabon ki thakan baaqi rahi
paniyon ka jism sahlati rahi purva magar
TuTte bante hababon ki thakan baaqi rahi
diid ki asudgi men kaun kaise dekhta
darmiyan kitne hijabon ki thakan baaqi rahi
falsafe saare kitabon men ulajh kar rah ga.e
dars-gahon men nisabon ki thakan baaqi rahi
barishen hoti rahen ‘nasir’ samundar ki taraf
regzaron men sarabon ki thakan baaqi rahi
Leave a Reply