Dard-E-Alam Bhi Kahin Dard-E-Mohabbat Hi Na Ho

dard-e-alam bhi kahin dard-e-mohabbat hi na ho

dil ke bahlane ki ye bhi koi surat hi na ho

aaj taz.in-e-jamal ek fasana hi sahi

kal ye mashshatgi-e-husn haqiqat hi na ho

un ki ankhon men machalta hai jo afsana-e-shauq

sochta huun kahin vo meri hikayat hi na ho

be-ruḳhi par jise mahmul kiya karta huun

vo bhi kuchh aap ka andaz-e-mohabbat hi na ho

aaj ḳhud husn ko dekha hai sar-e-kucha-e-ishq

dekhen aghaz koi taaza rivayat hi na ho

aql bhi ab rasan-o-dar tak aa pahunchi hai

tiflak-e-shauq ki ik ye bhi shararat hi na ho