daraz gesu damakte aariz kaman abru azaab ankhen
uḌa ke rakkhengi aaj apna bhi hosh aḳhir sharab ankhen
ye sarv sa qad ye ru-e-taban ye lab shagufta ye ḳhvab ankhen
kahin chura len na chain dil ka ye nargisi la-javab ankhen
ye meri be-bak mastiyon se jo ho rahi hain gulab ankhen
to dil ke sab raaz kah rahi hain tumhare dil ki kitab ankhen
ye sun ke aa.e the un ke dekhe se dard-e-dil ka ilaaj hoga
sukun dil ko to kya hi milta baḌha ga.iin iztirab ankhen
so rasm-e-kohna men apni qismat sanvarne ham bhi aa ga.e hain
suna tha dil muntaḳhab karengi vo dahr men intiḳhab ankhen
har ik badan men talashti hain na jaane kis ka vajud ‘anvar’
karengi rusva zarur ik din hamen ye ḳhana-ḳharab ankhen
Leave a Reply