jidhar nazren uThata huun udhar chehre hi chehre hain
magar in sab men ik be-chehragi si dekhta huun main
koi surat bana karti hai jis se shakl-e-insani
har ik chehre ko is ḳhubi se aari dekhta huun main
laqab chehre ka zeba hai unhin ke vaste yaaro
jo ehsasat aur jazbat ki tafsir hote hain
na maano faisla mera ḳhud apne zehn se puchho
kahin auraq-e-sada bhi kabhi tasvir hote hain
Leave a Reply