charagh baaqi raha na ab aa.ina rahega
magar shaguft-e-jamal ka silsila rahega
hazar chaukas rahin kaḌi tirgi ke daa.i
mire tasavvur men ek rauzan khula rahega
yaqin aaya hai aaj alvah-e-sa.ang paḌh kar
ki is nagar men bas ek nam-e-ḳhuda rahega
yahi rahega agar miri be-kasi ka aalam
dua.en bach pa.engi na dast-e-dua rahega
siyah paḌne lagegi sham-e-visal ki zau
khila hua rat-bhar jo rang-e-hina rahega
miri tarah niind aa nahin pa.egi use bhi
main janta huun vo sub.h tak jagta rahega
kahan miTane se miT sakega vo naqsh dil se
ghubar sa aa.ine pe ik aks ka rahega
ḳhayal rahta hai niind men ab usi pari ka
jo phuul ab shaḳh par khilega khila rahega
safar ho patal ka ki sair-e-falak ho ‘sajid’
jahan rahunga zamin se rabta rahega
Leave a Reply