chand lamhon ke liye ek mulaqat rahi
phir na vo tu na vo main aur na vo raat rahi
kurra-e-arz ne dekha hi na tha vo ḳhurshid
jis ki gardish men shab o roz miri zaat rahi
ab to har shaḳhs ujalon men khaḌa hai uryan
kaun si shakl pas-e-parda-e-zulmat rahi
sard-mehri mire lahje men bhi hogi lekin
tujh men ḳhud bhi to na pahli si koi baat rahi
hal-e-dil us ko suna kar hai bahut ḳhush ‘kausar’
lekin ab soch zara kya tiri auqat rahi
Leave a Reply