hamare ansuon ki ankhen banai gaiin
ham ne apne apne talatum se rassa-kashi ki
aur apna apna bain hue
sitaron ki pukar asman se ziyada zamin sunti hai
main ne maut ke baal khole
aur jhuut pe daraz hui
niind ankhon ke kanche khelti rahi
shaam doghle-rang sahti rahi
asmanon pe mera chand qarz hai
main maut ke haath men ek charagh huun
janam ke pahiye par maut ki rath dekh rahi huun
zaminon men mera insan dafn hai
sajdon se sar utha lo
maut meri god men ek bachcha chhod gai hai
Leave a Reply