Chanchalahat Mein Tu Mamola Hai

chanchalahat men tu mamola hai

jhiljhilahat men dar amola hai

dekh tujh mukh kuun yuun chhupe yusuf

juun kabutar kuen men kola hai

sair karta huun baith kar us biich

dil hamara udan-khatola hai

sarv siin qad hai yaar ka mauzun

main ne mizan liin ke tola hai

sard-mehri siin be-vafa ka haal

hai khunuk is qadar ki ola hai

jaan kar ke ajaan hota hai

tum na jaano ki jaan bhola hai

ham suun sab mil kaho mubarakbad

ki tuk ik hans ke aa ke bola hai

‘abru’ haae kyuun gale na laga

mere dil men yahi malola hai

Leave a Comment