poet

Chaman Mein Mujhse Diwane Ke Le Jaane Se Kya Hasil

chaman men mujh se divane ke le jaane se kya hasil

dikha kar gul junun ko shor men laane se kya hasil

jinhen balon ki phansi di vo hargiz ji nahin sakte

jo zulfon men phansaya us ke gham khane se kya hasil

hamare dard ki daaru agar kuchh hai to daaru hai

ye sab kuchh sun ke saaqi baat pi jaane se kya hasil

nigah tere hi jaise aks aine ka chini men

ye sab baten samajh kar jaan sharmane se kya hasil

na vo dil hai na vo shor-e-junun hai sair-e-gul mat kar

rafiqon bin ‘yaqin’ gulzar men jaane se kya hasil

More Poems

Leave a Comment