Chale Aao Agar Dam Bhar Ko Tum To Ye Jata Rahe Fil-Faur Maraz

chale aao agar dam bhar ko tum to ye jaata rahe fil-faur maraz

ki nahin hai ba-juz bimari-e-gham miri jaan mujhe koi aur maraz

nahin kahta main tum se ki chara karo magar aa ke kabhi kabhi dekh to lo

ki samajhta nahin hai tabib koi hai tumhare hi qabil-e-ghaur maraz

mire isa-dam mire be-parva na ilaaj se mere haath utha

nahin bachne ka ye mariz tira ki hai badhta chala be-taur maraz

nahin is ka taajjub yaaro agar mire dil men dard ho rah rah kar

kare ghaflat isi-e-dauran jab tu na bandhe kyun-kar daur maraz

tujhe ‘anjum’ dard-e-firaq bhala kyuun chain se uthne baithne de

vo masih na jab kuchh rahm kare kare kyuun na jafa-o-jaur maraz

Leave a Comment