chaar unsur se bana hai jism-e-pak
hain ye charon bad-o-atish ab-o-ḳhak
az pai-takmil-e-tahqiqat-e-ilm
ho gaya lazim ḳhali ka ishtirak
aql-o-dil izad ho kar ho ga.e
shash-jihat-o-haft-manzil tabnak
jab iradat se hua us ka zuhur
aa gaya pindar ka gardish men chaak
ruh-e-azam se huvaida ho ga.i
vo iradat jis ne dam ki ruh-e-pak
ruh-e-azam kya hai vo zat-e-qadim
hai zaban-e-ilm men jo jan-e-pak
vahdat-o-kasrat men ‘sahir’ hai ayaan
jaan ya nur-e-qadam ya zat-e-pak
Leave a Reply