chak-e-daman-o-gireban pe hansi aati hai
kaise insan ho ki insan pe hansi aati hai
tum ki har manzil-e-dushvar se haT jaate ho
ham ki har manzil-e-asan pe hansi aati hai
ye bana.e hue rang aur ye tarashe hue phuul
mujh ko is jashn-e-baharan pe hansi aati hai
raat ik zulf-e-pareshan ke liye rota huun
sub.h har ḳhvab-e-pareshan pe hansi aati hai
ham ko ik khel hain ye tauq-o-salasil sayyad
ham ko zindan men bhi zindan pe hansi aati hai
Leave a Reply