Poet
buton ke ghar ki taraf kaabe ke safar se phire
hazar shukr ki jiite khuda ke ghar se phire
mariz-e-hijr ka koi ilaaj kar dekhe
asar dava se dava hukm-e-chara-gar se phire
mahine bhar ka to rasta hai par dua ye hai
ki peshtar vo qamar daura-e-qamar se phire
nigah-e-lutf se dekho shabab aa jaae
shab-e-guzishta abhi gardish-e-nazar se phire
vo rashk-e-mahr jo saaqi ho umr baaqi ho
ziyada saghar-e-mai charkh-e-fitna-gar se phire
nigah pherne men lutf kya hai rahne do
ye tiir kis liye ulta mire jigar se phire
kahenge baad-e-fana ham se dostan-e-adam
bhare-pure ki tahi-dast is safar se phire
na mangen bosa-e-rukhsar chhatiyan na chhuen
tabiat apni jo ai but gul-o-samar se phire
falak ne kucha-e-maqsad ki band ki rahen
bhala batao ki qismat miri kidhar se phire
dikhae mauj-zani bahr-e-ashk agar apna
har asiya-e-falak-ab chashm-e-tar se phire
‘munir’ ko hai vo dauran-e-sar maaz-allah
ki sunne valon ka sar zikr-e-dard-e-sar se phire
Leave a Reply