Bulbula Phute Pe Ho Jata Hai Aab

bulbula phute pe ho jaata hai aab

jaan o janan men hai ye hasti hijab

kya jhalakte hain dur-e-dandan tire

aisi moti men kahan hai ab-o-tab

haiga nurani rukh-e-raushan tira

raat ko mahtab din ko aftab

be-tarah us ghar-base ki yaad men

ab tadapta hai dil-e-khana-kharab

shaad ankhon se kiya hai dekh ‘ishq’

abru-e-janan ki bait-e-intikhab

Leave a Comment