Meer Taqi Meer
bu ki ho su-e-bagh nikle hai
baav se ik dimagh nikle hai
hai jo andher shahr men khurshid
din ko le kar charagh nikle hai
chob-kari hi se rahega shaikh
ab to le kar chumagh nikle hai
de hai jumbish jo vaan ki khaak ko baav
jigar daagh daagh nikle hai
har sahar hadisa miri khatir
bhar ke khuun ka ayagh nikle hai
us gali ki zamin-e-tafta se
dil-jalon ka suragh nikle hai
shayad us zulf se lagi hai ‘mir’
baav men ik dimagh nikle hai
Leave a Reply