bijli si ik aur gira di zalim ne
zabt ki saari khep jala di zalim ne
pahli se main jaan chhuḌata phirta tha
aaj na.i tasvir laga di zalim ne
dil ankhon ke saath hi bahar aaya hai
itni is ki pyaas baḌha di zalim ne
dupaTTe ka parda bhi nahin rakkha aaj
pabandi ik aur uTha di zalim ne
us ke aage baat bhi karna mushkil hai
honTon par bhi mohr laga di zalim ne
ishq men aisi choT laga.i siine par
ghazlon ki takmil kara di zalim ne
Leave a Reply