bigde vo laakh tarah magar gul na ho saka
main apne sadqe yaan bhi tamul na ho saka
go hichkiyan rahin mujhe miina ki yaad men
lekin ada tarana-e-qulqul na ho saka
mumkin nahin mira dil-e-pazh-murda shaad ho
kumhla gaya jo ghuncha vo phir gul na ho saka
allah re josh aap ki bakhshish ke baad bhi
ashkon se mere tark-e-tasalsul na ho saka
bigda hua mizaj sambhalta nahin ‘nasim’
taanon ka un ke mujh se tahammul na ho saka