bichhaD Gaya Hai to Ab Us Se Kuchh Gila Bhi Nahin

Saud Usmani

bichhaḌ gaya hai to ab us se kuchh gila bhi nahin

ki sach to ye hai vo ik shaḳhs mera tha bhi nahin

main chahta huun use aur chahne ke siva

mire liye to koi aur rasta bhi nahin

ajiib rahguzar thi ki jis pe chalte hue

qadam ruke bhi nahin rasta kaTa bhi nahin

dhuan sa kuchh to miyan barf se bhi uThta hai

so dil-jalon ka ye aisa koi pata bhi nahin

ragon men jamte hue ḳhuun ki tarah hai ‘sa.ud’

vo harf-e-hijr jo us ne abhi kaha bhi nahin