Beja Hai Rah-E-Ishq Mein Ai Dil Gila-E-Pa

beja hai rah-e-ishq men ai dil gila-e-pa

ye aur hi manzil hai nahin marhala-e-pa

hangam-e-khiram us ke hujum-e-dil-e-ushshaq

ghash-karda hain thokar ke bahar-fasla-e-pa

kal bosa-e-pa ham ne liya tha so na aaya

shayad ki vo bosa hi hua abla-e-pa

us pa ki rah-e-rashk men nazuk qadmon ke

phirte hain bhatakte hue sau qafila-e-pa

sau naaz se thokar ba-sar-e-arsh lagana

us gul ke siva kis ka hai ye hausla-e-pa

gul-barg pe rakhte hi qadam hans ke jo khincha

shayad hui sakhti se rag-e-gul khila-e-pa

dil se rah-e-dil-bastagi kab tai ho ‘nazir’ aah

vo zulf-e-musalsal jo na ho silsila-e-pa

Leave a Comment