Be-Sabab Bhi Raqib Hote Hain

Raj Kaushik

be-sabab bhi raqib hote hain

log kitne ajiib hote hain

tu jinhen ḳhud bhi yaad karta hai

aise bhi ḳhush-nasib hote hain

un ke jitna qarib jaata huun

vo bhi itne qarib hote hain

jo tujhe yaad karte rahte hain

vo mire bhi habib hote hain

kuchh tujhe bhi samajh nahin paate

aise bhi bad-nasib hote hain

sab aisi nahin mila karte

kuchh to ḳhali salib hote hain

jab bhi yaden tiri satati hain

jaage jaage nasib hote hain