be-ruḳhi ne us ki kaisa ye ishara kar diya
vaqt se pahle qayamat ka nazara kar diya
laakh kahne par bhi us ne ruḳh pe rakkha tha naqab
ik jhalak ki aarzu ko nagavara kar diya
chal paḌe daman jhaTak kar ham ko pichhe chhoḌ kar
tanha aghaz-e-safar par kyuun dobara kar diya
ḳhud hi lau ummid ki us ne jaga.i aur phir
toḌ kar ummid ḳhud hi be-kinara kar diya
kaisi bedardi se toḌa us ne naata pyaar ka
kyuun jahan men phir ‘saba’ ko be-sahara kar diya
Leave a Reply