Poet
be-maqsad ḳhake mub.ham tasviren hain
kaghaz par kuchh na-malum lakiren hain
ik dariya men uThti hain lakhon maujen
ik insan hai aur kitni tasviren hain
achchha chehra aksar dhoka deta hai
umda kaghaz par ghaTiya tahriren hain
un ki nazmen ḳhuub mire ash.ar fuzul
ḳhvab hain yaksan alag alag ta.abiren hain
ahd-e-hazir ka vahshi huun mere liye
na.i purani kitni hi zanjiren hain
Leave a Reply