Be-Maqsad KHake Mubham Taswiren Hain

be-maqsad ḳhāke mub.ham tasvīreñ haiñ

kāġhaz par kuchh nā-mālūm lakīreñ haiñ

ik dariyā meñ uThtī haiñ lākhoñ maujeñ

ik insāñ hai aur kitnī tasvīreñ haiñ

achchhā chehra aksar dhokā detā hai

umda kāġhaz par ghaTiyā tahrīreñ haiñ

un kī nazmeñ ḳhuub mire ash.ār fuzūl

ḳhvāb haiñ yaksāñ alag alag ta.abīreñ haiñ

ahd-e-hāzir kā vahshī huuñ mere liye

na.ī purānī kitnī hī zanjīreñ haiñ

Leave a Comment