Arsh Siddiqui
bas ek hi kaifiyyat-e-dil sub.h-o-masa hai
har lamha miri umr ka zanjir-ba-pa hai
main shahr ko kahta hon bayaban ki yahan bhi
saaya tiri divar ka kab sar pe paḌa hai
hai vaqt ki kahta hai rukunga na main ik pal
tu hai ki abhi baat miri tol raha hai
main bazm se ḳhakistar-e-dil le ke chala huun
aur samne tanha.i ke sahra ki hava hai
avaz ka tesha hai na ḳhamosh takallum
taala jo zaban par tha vo ab dil pe paḌa hai
main saath liye phirta huun saman-e-halakat
rag rag men miri zahr-e-vafa dauḌ raha hai
kya kya hain tamanna.en dil-e-ḳhak-basar men
ye qafila virane men kyuun Thahra hua hai
Leave a Reply