Osama Khalid
barahna-pa hai bhaTakti ruhon ko duudh deti hai palti hai
phir un ke jismon pe qahqahe phenkti hai chehre udasti hai
darun-e-dil aisa lag raha hai koi bala hai baḌi bala hai
jo saans leti hai aah bharti hai baat karne pe marti hai
ajiib mantiq ki parsa hai ye hijr ki shab ye hijr ki shab
lipaT ke soti hai kis ke pahlu se kis ke pahlu men jagti hai
main ḳhvab ko chirne ka ḳhanjar chhupa ke bistar pe leTta huun
pata nahin kis ki muḳhbiri par ye raat jeben khangalti hai
hamare paanv bhi jhaḌ rahe hain qayamat-e-qaid-e-zindagi men
tumhari aahon ki sho.alagi bhi hamari zanjir kaTti hai
dhaḌam se gir paḌi thi mujh par ajiib hai.at ki sir kaTi ruuh
ye fahisha ab na so rahi hai na unghti hai na khansti hai
Leave a Reply